«Ազատություն» ռադիոկայանին տված հարցազրույցում (29․06․2019) Դավիթ Հարությունյանը հայտարարել է. «Եթե մենք հետևենք Վահե Գրիգորյանի եզրակացությանը, ապա մենք պետք է հանգենք հենց նմանատիպ շատ աբսուրդ եզրահանգման, որ կան կառավարության անդամներ, և կա օրինակի համար նախարար, որ կառավարության անդամ չէ, որովհետև Սահմանադրության մեջ որևէ տեղ նման բան գրված չէ, որ նախարարը կառավարության անդամ է»։
Մինչդեռ ՀՀ Սահմանադրությունը սահմանում է.
ոդված
147. Կառավարության կազմը և կառուցվածքը
1. Կառավարությունը կազմված է վարչապետից, փոխվարչապետներից և նախարարներից (ընդգծումը մերն է):
2. Նախարարությունների ցանկը և Կառավարության գործունեության կարգը Կառավարության ներկայացմամբ սահմանվում են օրենքով: Փոխվարչապետների թիվը չի կարող գերազանցել երեքը, իսկ նախարարներինը` տասնութը:
Նույնիսկ ոչ իրավաբաններին է ակնհայտ վերոգրյալ հայտարարության անգրագիտությունը։ Սակայն միամտություն կլինի կարծել, որ դրա հեղինակ Դավիթ Հարությունյանն անգրագետ է։ Հարությունյանը շատ լավ էլ գիտակցում է, որ իրենք իրենց թիմով միտումնավոր ռումբ են դրել իրենց ձեռամբ և իրենց համար գրված սահմանադրության (հետևաբար նաև՝ Հայաստանի) տակ։ Հիմա փորձում են խուսափել պատասխանատվությունից, իրավական հարցը դարձնել քաղաքական մանիպուլյացիաների առարկա։ Ավելին՝ ձեռքերը շփելով սպասում են, թե երբ է այդ ռումբը պայթելու երկրի գլխին՝ թքած ունենալով հնարավոր հետևանքների վրա։
Եվ այս մարդը տարիներ շարունակ եղել է Հայաստանի դատական համակարգի «ճարտարապետը»։ Սրա «հետևանքները» մեր հասարակությունը վայելում է այսօր ու դեռ երկար կվայելի։
Ավելին՝ ilur.am
