ԱՄՆ նախագահ Դոնալդ Թրամփի պատմական այցը Հյուսիսային Կորեա տեղի պետական լրատվամիջոցները որակել են որպես հրաշալի իրադարձություն, հաղորդում է բրիտանական BBC-ն: Այս կիրակի Թրամփը դարձավ ԱՄՆ առաջին և միակ նախագահը, որը ոտք դրեց հյուսիսկորեական հողի վրա՝ Կիմ Չեն Ինի ուղեկցությամբ: Լրատվամիջոցները, որոնք  խիստ վերահսկողության տակ են, տասնամյակներ շարունակ ԱՄՆ-ին ներկայացրել են որպես ամենաատելի թշնամու, իսկ այժմ Հյուսիսային Կորեայի բնակիչները Դոնալդդ Թրամփին տեսան բոլորովին նոր տեսանկյունից՝ որպես բարեկամ երկրի առաջնորդի: