18:58 May 17, 20242019-07-01
Լեդի Դի․ սրտերի թագուհու կյանքի, սիրո ու հիասթափությունների պատմությունը
«Ժողովրդական արքայադուստր», «Սրտերի թագուհի» ու «Խաղաղության վարդ»․․․դժվար է մոռանալ այս անսահման հմայիչ, շքեղ, միևնույն ժամանակ պարզ, անմիջական, բայց բարդ ճակատագրով կնոջը։ Արքայադուստր Դիանային մինչև այսօր հիշում են, պաշտում ու նրաանով հիանում միլիոնավոր մարդիկ։
Արքայադուստր Դիանայի կյանքն իսկապես նման էր հեքիաթի, Մոխրոտի մասին պատմող հեքիաթի։ Արիստոկրատ ծագումով մանկապարտեզի դաստիարակչուհին, ով հանկարծ դարձավ կենդանի լեգենդ, նորաձևության իկոնա, բարեգործության օրինակ ու թագավորական ընտանիքի անբաժան մասնիկ։Արքայադուստր Դիանայի ընտանքին արիստոկրատ էր․ նրա նախնիներից էին լեգենդար Մարիա Ստյուարտն ու դուքս Վլադիմիրը։ Երբ Դիանան 14 տարեկան էր, նրա հայրը ժառանգեց Կոմսի տիտղոս։ Ծնողները դաստիարակել էին երեխաներին բարձրաշխարհիկ սովորույթների համաձայն․ խստություն ու ծնողական ավելորդ սիրո բացակայություն։ Դիանան չգիտեր, թե ինչ է իսկական ծնողական սերը, գուցե դա էր պատճառը, որ նա հետագայում դեմ գնալով արքունական կանոններին՝ ամեն առիթով ցուցադրում էր իր սերը որդիների հանդեպ։
Ընտանեկան երջանկությունը թվացյալ էր․ նրա ծնողներն ամուսնալուծվեցին։ Կոմսուհի Սպենսերը երեխաների հետ մեկնեց Լոնդոն։ Ամուսնալուծության գործընթացը երկարաձգված էր ու սկանդալներով լի։ «Ամուսնալուծություն» բառը Դիանայի համար դարձել էր ամուսնական կյանքի ամենասարասփելի կողմը, նա դեռ չգիտեր, որ ապագայում ինքը ևս ստիպված է լինելու դրա միջով անցնել։ Հարաբերությունները խորթ մոր հետ չէին կարգավորվում, և Դիանան ստիպված էր կյանքն անցկացնել Շոտլանդիայում ապրող մոր ու Անգլիայում ապրող հոր արանքում, չիմանալով, թե ինչ է տունն ու ընտանիքը։
editors
Նմանատիպ Նյութեր
