Մադրիդի «Ատլետիկոն» հետաքրքրված է Մխիթարյանի թիմակցի ծառայություններով

Ինպես տեղեկացնում է Mirror-ը, Մադրիդի «Ատլետիկոն» հետաքրքրված է «Արսենալի» հարձակվող Ալեքսանդր Լակազետի ծառայություններով: Անտուան Գրիզմանի՝ ակումբը լքելուց հետո ղեկավարությունը այժմ նրան փոխարինողի փնտրտուքների մեջ է: Ժոաու Ֆելիշի տրանսֆերը, որը, ըստ լուրերի մադրիդյան ակումբն արդեն ապահովել է, բավարար չէ: Մյուս կողմից էլ, Լակազետը իրեն վատ չի զգում լոնդոնյան ակումբում և վերջին խաղերում բավականին լավ է դրսևորում իրեն, սակայն «զինագործները» հանդես չեն գա Չեմպիոնների լիգայի հաջորդ խաղարկությունում, մինչդեռ մադրիդյան ակումբը հանդես է գալու եվրոպական ակումբային ամենահեղինակավոր՝ «Չեմպիոնների լիգայի» մրցաշարում, և գուցե դա «գայթակղի» զինագործների հարձակվողին: