Շրջակա միջավայրի նախարար Էրիկ Գրիգորյանի՝ 2019թ. մայիսի 13-ից 15-ը Ֆրանսիայի Հանրապետություն կատարված գործուղման ընթացքում ձեռքբերված պայմանավորվածությունները վերածվել են գործնական քայլերի: Մասնավորապես, ՅՈՒՆԵՍԿՕ-ի գլխավոր տնօրենի բնական գիտությունների հարցերով տեղակալ տիկին Շամիլա Նայիր-Բեդուելի հետ ունեցած երկկողմ հանդիպումների ընթացքում քննարկվել էր ՅՈՒՆԵՍԿՕ-ի կողմից Սևանա լիճը և հարակից տարածքը որպես Կենսոլորտային պահպանավայր հաստատելու, ինչպես նաև Հայաստանում գեոպարկերի հիմնման հնարավորությունը: Տիկին Շամիլա Նայիր-Բեդուելի կողմից օրերս ստացված գրությամբ արդեն իսկ ազդարարվում է գործընթացի մեկնարկը:
