Քիմ Քարդաշյանը ճապոնացիների «պահանջով» կփոխի իր Kimono բրենդի անունը

Ինչպես հաղորդում է BBC-ն, Քիմ Քարդաշյանը որոշել է փոխել իր՝ ներքնահագուստ արտադրող սեփական բրենդի անունը, որը նա Կիմոնո էր անվանել:Այդ քայլը հարուցել էր Ճապոնիայի ու ճապոնացիների զայրույթը, ովքեր Քարդաշյանի քայլը համարել էին անարգանք ճապոնական ազգային հագուստի և ընդհանրապես ճապոնական մշակույթի հանդեպ: Կիոտոյի քաղաքապետն էլ իր հերթին Քարդաշյանին կիմոնոյի արվեստին ծանոթանալու նպատակով հրավիրել էր իրենց քաղաք: Քաղաքապետը նաև ակցիա էր սկսել՝ կիմոնոն ՅՈՒՆԵՍԿՕ-ի մշակութային ժառանգության ցանկում ընդգրկելու համար։
Ամերիկյան ռեալիթի շոուի աստղը ինստագրամյան իր էջում գրել է, որ բրենդի անվանումն ընտրելիս ինքն առաջնորդվել է լավագույն ցանկություններով: «Իմ բրենդներն առանձնանում են իրենց ինքնաքտիպությամբ, բազմազանությամբ, սակայն երկար մտորումներից հետո որոշել եմ փոխել «Կիմոնո» անվանումը, իսկ նոր անվան մասին կհաղորդեմ ավելի ուշ»: