Մարուքյանը եթե իր մանիպուլյացիոն ստերը մի քիչ էլ ճոխացնի, Քոչարյանի ամենասիրելի հաճախորդներից կդառնա

Մարուքյանին էլ փոխանցեք, որ իր մանիպուլյացիոն ստերը որ մի քիչ էլ ճոխացնի, Քոչարյանի ամենասիրելի հաճախորդներից կդառնա:

Քննադատելով եռակողմ հայտարարության մեջ տեղ գտած Հայաստանի տարածքով Ադրբեջան-Նախիջևան ճանապարհի մասին դրույթը, Մարուքյանն այն ներկայացնում ա որպես ՀՀ-ի կողմից տարածքային ամբողջականության զիջում, նաև որպես «սուվերեն կարիդոր», ապա հավելում, թե «Երբևէ որևէ թուղթ չի ստորագրվել, որը կազդեր ՀՀ տարածքային ամբողջականության վրա, կամ որևէ ձևով ՀՀ-ին պարտավորության մեջ կդներ»:

Այն, որ Նախիջևանի ճանապարհը հատուկ շեշտվում ա, դա, բնականաբար, դրական ոչինիչ չի կարող ենթադրել, բայց իրավիճակը շատ ավելի աղետալի ներկայացնել ու դրա հետ մեկտեղ բացահայտ ստել, դա անընդունելի ա:

Ի՞նչ ա նշանակում «Երբևէ որևէ թուղթ չի ստորագրվել…»: Եթե սա ասելով Մարուքյանը նկատի ունի ուժի մեջ մտած թուղթ, ապա էդ առումով ընդհանրապես հարցի կարգավորում ենթադրող ոչ մի թուղթ, 1994 թվականից հետո, երբեք չի էլ ստորագրվել: Անկախ նրանից, թե բանակցված թղթերում ինչ դրույթներ են գրված եղել, դրանցից ոչ մեկն էլ վերջնական չեն ընդունվել ու ստորագրվել: Այսինքն` էս առումով Մարուքյանի միտքն ինքնին անհեթեթություն ա:

Բնականաբար Մարուքյանը նկատի ունի այն, որ զուտ բանակցված թղթերում ՀՀ տարածքային ամբողջականության վրա ազդող դրույթ, իբր, երբեք չի եղել: Նման պնդում անող մարդը կամ բավականաչափ ծանոթ չի այս տարիների ընթացքում բանակցությունների ընթացքից, կամ պարզագույն ստախոսությամբ ա զբաղված: Եթե Մարուքյանն ու այլք դեռևս չեն հավատում 1999 թվականին բանակցված և հրապարակված հայտնի Մեղրիի տարբերակին, որով նախատեսվում էր Լաչինի շրջանը փոխանակել Մեղրիի շրջանի հետ, դա իրենց խնդրին է, բայց որ դրանից հետո Քի Վեսթում բանակցվել ա Ադրբեջանից Նախիջևան «ինչ-որ կապ» տալու մասին, դա այնպիսի փաստ ա, որը 2001 թվականին խոստովանել ա նաև այդ ժամանակ ՀՀ ԱԳ նախարար Վարդան Օսկանյանը, մասնավորապես նշելով, որ «Իրոք, եթե Լեռնային Ղարաբաղի կարգավիճակը լուծվում է այնպես, ինչպես մենք ենք ուզում,… մենք ասացինք, որ, այո, խոսքը գնում է նաեւ ադրբեջանցիներին ինչ-որ կապ տալու Նախիջեւանի հետ: Սա մենք չենք ժխտում, սա սեղանի վրա է»:

Ավելին, 2007 թվականին Մինսկի խմբի կողմից ներկայացված «Մադրիդյան սկզբունքներում», ևս, հատուկ շեշտվում է Նախիջանի հետ կապը. «Կողմերի միջև բաց և անարգել տրանսպորտային և հաղորդակցային կապերը խրախուսվելու են ողջ տարածաշրջանում՝ ներառյալ Ադրբեջանի ուղիղ և անարգել ցամաքային կապը Նախիջևանի հետ, բոլոր սահմանների բացումը և հաղորդակցային ուղիների վերագործարկումը»։

Հարութ Ուլոյանի ֆեյսբուքյան էջից։