Ձախողում ունեցել ենք ոչ թե դիվանագիտության մեջ, այլ ռազմադաշտում. ԱԳ նախարար

Այսօր լրագրողները հարց են ուղղել ՀՀ արտաքին գործերի նախարար Արա Այվազյանին, թե որպես նորանշանակ նախարար՝ ինչ է կարծում, կարո՞ղ էինք ավելին ստանալ պատերազմի դադարեցման փաստաթղթից և համարում է արդյոք այն ձախողված փաստաթուղթ:

«Ես նոր եմ ստանձնել իմ պարտականությունը: Ռազմադաշտում ունեցել ենք ձախողում, դա պետք է ճիշտ գնահատենք, որովհետև անհամաչափ ուժերի դեմ էին հերոսաբար մեր զինվորները դիմադրում, հիմա ամբողջ մեր խնդիրն է անել հնարավորը, որպեսզի կայունանա իրավիճակը»,– ասաց նա: Հարցին, թե դիվանագիտության մեջ ունեցե՞լ ենք ձախողում, նա պատասխանեց.

«Ոչ, դիվանագիտության մեջ մենք ձախողում չենք ունեցել»: