Ինչպես հաղորդում է BBC-ն, իտալական Ստրոմբոլի կղզում՝ «Միջերկրականի փարոս», ժայթքել է մոլորակի ամենաակտիվ հրաբուխներից մեկը: Խառնարանից դուրս նետված քարի հարվածից մահացել է 1 զբոսաշրջիկ: Կղզին ծածկվել է մոխրի հաստ շերտով: Թափվող մոխիրների պատճառով Ստրոմբոլի կղզու մի քանի հատվածներում հրդեհներ են բռնկվել: Լսելով պայթյունի ձայնը՝ վախեցած զբոսաշրջիկները նետվել են ծովը: Կղզու ափերին տեղակայվել է նավ՝ անհրաժեշտության դեպքում զանգվածային տարհանում իրականացնելու համար: Տարհանվել է 70 մարդ:
