Ռուսական գաղտնի սուզանավում հրդեհի պատճառով 14 նավաստի է զոհվել։
Ռուսաստանի Պաշտպանության նախարարությունը հայտարարել է, որ հուլիսի 1-ի երեկոյան խորջրյա սարքում Հյուսիսային նավատորմի բազայից ոչ հեռու զոհվել է 14 նավաստի-սուզորդ։ Ըստ պաշտոնական հաղորդագրության՝ սարքը զբաղվում էր հատակի ռելիեֆի ուսումնասիրությամբ՝ տեղագրությամբ։ Չի ճշգրտվել սարքի տեսակը, որտեղ տեղի է ունեցել հրդեհը։ Սակայն, ըստ ռուսական РБК-ի աղբյուրների, զոհվել է ատոմային խորջրյա «Կալիտկա» կայանի քաղաքացիական անձնակազմը (AC-12, ոչ պաշտոնական անունը՝ «Լոշարիկ»)։ Ավելի ուշ, «Открытые медиа» հրատարակությունը, վկայակոչելով Հյուսիսային նավատորմում իր երկու աղբյուրները, տեղեկացրեց, որ վթարը տեղի է ունեցել БК-64 «Պոդմոսկովյե» սուզանավում։ Մեդուզա կայքը պատմում է, թե հասանելի աղբյուրներից ինչ է հայտնի «Լոշարիկ» և «Պոդմոսկովյե» սուզանավերի և նրանց համատեղ ծառայության մասին։
Լոշարիկ
АС-12 ատոմային կայանը խորջրյա կայանների («Կաշալոտ», «Պալտուս») 1970-90-ականների նախկին ծրագրերի զարգացումն է։ Նրանք բոլորը ստեղծված են օվկիանոսի հատակում սարքերով հետազություններ և մանիպուլյացիաներ անելու համար, օրինակ՝ նավերի, ինքնաթիռների և արբանյակների բեկորներ բարձրացնելու և այլն։ ԱՄՆ-ի զինվորականները ենթադրում են, որ կայանները կարող են օգտագործվել նաև դիվերսիոն նպատակներով, օրինակ՝ գաղտնի կապի ստորջրյա մալուխներին միանալու։ Շահագործման է հանձնվել միայն 3 «Կաշալոտ», 3 «Պալտուս» և մեկ «Լոշարիկ»։ Դրանք բոլորն ունեն ատոմային ռեակտոր։ Պաշտոնապես նրանք սպառազինված չեն։ Դրա փոխարեն կան ստորջրյա օբյեկտների հետ աշխատելու համար նախատեսված տարբեր նշանակության մանիպուլյատորներ։
Նյութը թարգմանաբար՝ Սիվիլնեթ
Ավելին՝ civilnet.am
Ազգային ժողովի ութերորդ գումարման 8-րդ նստաշրջանի հերթական նիստում «Քաղաքացիական պայմանագիր» խմբակցության պատգամավոր Խաչատուր Սուքիասյանը հարց…
Ադրբեջանի գլխավոր դատախազ Քյամրան Ալիևը հայտարարել է, որ ԼՂ ռազմաքաղաքական ղեկավարությունը մեղադրվում է պատմամշակութային հուշարձանների…
Ալավերդի քաղաքի թաղամասի կարգավիճակ ունեցող Սանահինը գյուղի կարգավիճակ կստանա: «Հայաստանի Հանրապետության վարչատարածքային բաժանման մասին» օրենքում…
Արդարադատության նախարար Գրիգոր Մինասյանը ֆեյսբուքյան իր էջում գրել է․ Այսօր որոշեցի ես էլ միանամ իմ…
Ֆասթ Բանկի աջակցությամբ հոկտեմբերի 4-7-ը Հայաստանում կկայանա 2024 թվականի WCIT 2024/DigiTec՝ Նորարարության և տեխնոլոգիաների համաշխարհային…
Ճապոնիայի կառավարությունն ամբողջ կազմով հրաժարական է ներկայացրել, հայտնում է Կիոդո գործակալությունը։ Ավելի ուշ Ճապոնիայի խորհրդարանի…