ՔՊ կուսակցության հասարակայնության հետ կապերի համակարգող Վահագն Ալեքսանյանը ֆեյսբուքյան իր էջում գրել է.
Քոչարյան Կարենի հետ մի անգամ 1-in.am-ում հարցազրույցի եմ եղել։ Նորմալ մարդու տպավորություն էր թողել, առնվազն տրամաբանող։ Հիմա այս մարդու տրամաբանելու ունակությունը հաշվի առնելով մի քանի հարցապնդում անեմ էլի.
Ես օրինակ երբեք ինձ թույլ չեմ տվել քաղաքական օպոնենտների ընտանիքի անդամներին անդրադառնալ, ինքն էլ «թուրքին հանձնելու» կոնտեքստում, բայց եթե Կարենը իրեն թույլ է տալիս մնացածի կանանց խառնել իր պրոպագանդայի մեջ, որտեղ առանցքային է պարգևավճարների թեման, արդյոք թույլատրելի չէ՞ , որ հիմա Քոչարյան Կարենին հարցնեմ՝ թե՞ ոնց է իրեն զգում, երբ նույն պարգևավճարները տարիներ շարունակ ստանում է իր՝ ԿԳՄՍ-ում բաժնի պետ աշխատող կինը։
Չէ, ճիշտ հասկանանք, պարգևավճար ստանում են բոլոր աշխատողները մաքրուհիներն էլ, բաժնի պետերն էլ, բայց չի կարելի թիրախավորել համ ուրիշների կանանց համ պարգևավճարները, երբ սեփական կինդ նույն կերպ աշխատում է ու նույն կերպ ստանում։
Հավա՛ք պահեք ձեզ, պարոնայք, եթե իհարկե էդ կոչականը դեռ կիրառելի է։
Հանկարծ չստացվի էլի, որ Կարենի կնոջն եմ թիրախավորում։ Ինչքանով տեղյակ եմ՝ շատ լավ աշխատող է ու գնահատված։
