Փաշինյանը պաշտոնական այցով Վիետնամում է. Վիետնամի և հայ-վիետնամական հարաբերությունների մասին

Պաշտոնական այցով Վիետնամում գտնվող Հայաստանի վարչապետ Նիկոլ Փաշինյանը այսօր առավոտյան ծաղկեպսակ է դրել Զոհված հերոսների հուշարձանին, այնուհետև այցելել Հո Շի Մինի դամբարան: Վարչապետը տիկնոջ՝ Աննա Հակոբյանի հետ այցելել է նաև Գրականության տաճար: Այսօր նախատեսվում է Նիկոլ Փաշինյանի հանդիպումը իր վիետնամցի գործընկերոջ՝ Նգույեն Սուան Ֆուքի հետ: Բանակցությունների արդյունքում ստորագրվելու է երկու համաձայնագիր,  որոնք վերաբերելու են կրթության և զբոսաշրջության ոլորտներին: Այնուհետև համատեղ հայտարարություն է արվելու լրատվամիջոցների համար:

Հայաստանի Հանրապետության և Վիետնամի Սոցիալիստական Հանրապետության միջև դիվանագիտական հարաբերությունները հաստատվել են 1992թ. հուլիսի 14-ին:

2013թ. օգոստոսից ՎՍՀ-ում ՀՀ դեսպանն է Ռաիսա Վարդանյանը:

2015թ. հոկտեմբերից ՀՀ-ում ՎՍՀ դեսպանն է Նգուեն Թհան Շոնը /նստավայրը` Մոսկվա/:

2017թ. փետրվարին Վիետնամում ՀՀ պատվավոր հյուպատոս է նշանակվել Չան Դան Տուանը:

Իրավապայմանագրային դաշտ
Արձանագրություններ
1. ՀՀ և ՎՍՀ միջև դիվանագիտական հարաբերություններ հաստատելու մասին, 14 հուլիսի 1992թ.
2. ՀՀ ԱԳՆ և ՎՍՀ ԱԳՆ միջև համագործակցության վերաբերյալ, 13 դեկտեմբերի 1992թ.
3. ՀՀ արդյունաբերության նախարարության և ՎՍՀ ծանր արդյունաբերության նախարարության միջև արտադրության և տեխնոլոգիայի բնագավառում համագործակցության վերաբերյալ, 13 դեկտեմբերի 1992թ.
4. ՀՀ ԱԳՆ և ՎՍՀ ԱԳՆ միջև խորհրդակցությունների վերաբերյալ, 8 հունիսի, 2012թ.

Համաձայնագրեր
1. ՀՀ կառավարության և ՎՍՀ կառավարության միջև մշակութային և գիտատեխնիկական համագործակցության վերաբերյալ, 13 դեկտեմբերի 1992թ.
2. ՀՀ կառավարության և ՎՍՀ կառավարության միջև կապիտալ ներդրումների խրախուսման և փոխադարձ պաշտպանության վերաբերյալ, դեկտեմբեր 1992թ.
3. ՀՀ կառավարության և ՎՍՀ կառավարության միջև առևտրատնտեսական համագործակցության վերաբերյալ, դեկտեմբեր 1992թ.
4. ՀՀ կառավարության և ՎՍՀ կառավարության միջև տնտեսական, գիտատեխնիկական համագործակցության վերաբերյալ, 8 հունիսի, 2012թ.
5. ՀՀ կառավարության և ՎՍՀ կառավարության միջև դիվանագիտական և ծառայողական անձնագրեր կրողների համար մուտքի արտոնագրի վերացման վերաբերյալ, 8 հունիսի, 2012թ.
6. ՀՀ մշակույթի նախարարության և ՎՍՀ մշակույթի, սպորտի և զբոսաշրջության նախարարության միջև մշակույթի բնագավառում 2015-2018թթ. համագործակցության մասին» համաձայնագիր, 2015թ. հուլիսի 11
7. ՀՀ արդարադատության նախարարության և ՎՍՀ արդարադատության նախարարության միջև արդարադատության ոլորտում համագործակցության մասին փոխըմբռնման հուշագիր, 22 հոկտեմբերի, 2015թ.

ԲՆԱԿՉՈՒԹՅՈՒՆ

Վիետնամի բնակչությունը կազմում է 86 967 524 մարդ: Ամենամեծ էթնիկ խումբը վիետնամցիներն են (85% և ավելի): Երկրում ապրում են նաև չինացիներ, թայլանդցիներ, կխմերներ և այլոք:

ԼԵԶՈՒ

Պաշտոնական լեզուն վիետնամերենն է: Տուրիստական վայրերում լայնորեն օգտագործվում է ռուսերեն և անգլերեն լեզուները:

ԿՐՈՆ

Վիետնամում հիմնական կրոնական ուղղությունը համարվում է նախնիների երկրպագումը, բուդդայականությունը, կոնֆուցիականությունը և քրիստոնեության կաթոլիկ ուղղվածութունը: Լեռնային ժողովուրդների մոտ տարածված է նաև անիմիզմը:

ՄՇԱԿՈՒՅԹ

Վիետնամի մշակույթը համարվում է Ասիայում ամենահինը և Արևելյան Ասիայի մշակույթի անբաժանելի մասը: Այն զարգացել է երկու քաղաքակրթությունների՝ չինականի և հնդկականի խաչմերուկում: Մշակույթի որոշ տարրեր համարվում են բնութագրիչներ: Օրինակ՝ նախնիների պաշտամունքը, ավանդական ընտանեկան և համայնքային արժեքները, արհեստները, կրթության ձգտումը: Ավանդական երաժշտական գործիքներից են հանդիսանում 4-5-լարային կիթառը, եռալար  կիթառը, երկլար ջութակը, բամբուկից պատրաստված ֆլեյտան:

ԽՈՀԱՆՈՑ

Վիետնամական խոհանոցում, ինչպես օրինակ բնորոշ է ֆրանսիական, թայլանդական և չինական խոհանոցներին, օգտագործում է նվազագույն քանակությամբ ճարպեր և շեշտը դնում է թարմ բաղադրիչների վրա: Այս հատկանիշի շնորհիվ վիետնամական խոհանոցը համարվում է Ասիայի ամենաառողջարար խոհանոցը: Խոհանցի հիմքում ընկած են բրինձն, արիշտան և համեմունքները: Լայնորեն օգտագործվում են անանուխի տերևները, քաղցր կարտոֆիլը, մանիոկը, իմբիրը, բազիլիկ և այլն:

ԿԼԻՄԱ

Կենտրոնական Վիետնամում փետրվարից օգոստոս ամիսներին եղանակը պարզ է, անձրևներ լինում են շատ հազվադեպ, ջերմաստիճանը տատանվում է +30..+35°C: Դեկտեմբերի կեսերին տեղում են հորդառատ անձրևներ, հոկտեմբեր – նոյեմբեր ամիսներին հնարավոր են թայֆուններ, ջերմաստիճանը տատանվում է +20 .. +28°C.

ՏՐԱՆՍՊՈՐՏ

Ներքաղաքային հասարակական տրանսպորտը մարդաշատ է, հստակ ժամանակացույց չի գործում, գործում է կանգառների շատ բարդ համակարգ, արագությունը փոքր է, ճանապարհները շատ հարթ չեն, տրանսպորտի մեջ տոթ է: Սակայն վարորդները կարող են կանգ առնել ցանկացած վայրում, իսկ ուղեվարձը մատչելի է (օրինակ՝ Հանոյում մեկ ուղևորությունը կարժենա $0,1): Վիետնամական տաքսիները լինում են մեքենաներ, մոտոցիկլետներ, նավակներ և մակույկներ: Հաշվիչներ տեղադրված են ոչ բոլոր տեղերում, սակայն ցանկացած դեպքում պետք է կանխավ պայմանավորվել գնի մասին: Գիշերային ժամերին խորհուրդ է տրվում օգտվել միայն մեքենաների տաքսիներից: