Իրանը կրկին կշրջանցի ուրանի հարստացման վերաբերյալ միջազգային արգելքը

Ինչպես հաղորդում է The Guardian-ը, Իրանի իշխանությունները հայտարարել են, որ պատրաստվում են խախտել Թեհրանի և «միջնորդ վեցյակի» միջև դեռևս 2015թ.-ին կնքված միջուկային համաձայնագրի՝ ուրանի հարստացման թույլատրված շեմի դրույթը: Իշխանությունների փոխանցմամբ՝ Իրանը ուրանը կհարստացնի ոչ թե թույլատրված 3.67, այլ 5%-ով՝ հավելելով, որ երկիրը երկու ամիսը մեկ կկրճատի միջուկային պայմանագրի շրջանակում ստանձնած իր պարտավորությունները: Իրանի միջուկային ծրագրի հարցով գլխավոր բանակցորդ Աբաս Արաղչին հիշեցրել է, որ ԱՄՆ նախագահ Դոնալդ Թրամփն անցած տարվա մայիսին խախտել է համաձայնագիրը՝ վերականգնելով մինչ այդ Իրանի նկատմամբ չեղարկված պատժամիջոցները, իսկ եվրոպացի գործընկերներն էլ չեն կարողանում իրագործել պայմանագրի շրջանակում իրենց ստանձնած պարտավորությունները: