Առողջապահության նախարարը ֆեյսբուքյան իր էջում նոր տվյալներ է հաղորդում երեկ տեղի ունեցած ողբերգական ավտովթարից տուժածների մասին.
Վերադառնում եմ Արարատի ԲԿ-ից, այցելեցի երեկվա վթարից տուժած բոլոր քաղաքացիներին։ Բոլորի վիճակի մասին տեղեկատվությունը մեր մամուլի ծառայությունը տրամադրել է, այն պարբերաբար թարմացվում է։ Ծայրահեղ ծանր վիճակում մնում է մեկ քաղաքացի, ևս երեքի վիճակը գնահատվում է ծանր։ Մնացածի կյանքին վտանգ չի սպառնում։ Բժիշկները ամեն ինչ անում են տուժածների կյանքը փրկելու և առողջությունը վերականգնելու համար։
