Սուբվենցիոն ծրագրով նորոգվում է Շիրակի մարզի Նոր Կյանք գյուղի ճանապարհը

Հանրապետության համայնքներն այս տարի ներկայացրել են 352 սուբվենցիոն հայտ, որից 330-ը հաստատվել է: Ընդհանուր՝ 16 մլրդ դրամի շինաշխատանքներ են տարվելու: Շիրակի մարզում դրանք վերաբերում են ոռոգման ցանցերի անցկացմանը, կրթական հաստատությունների վերանորոգմանը, արևային ֆոտովոլտային կայանների տեղադրմանը և ճանապարհաշինությանը: Բոլոր ծրագրերի դեպքում պետական համաֆինանսավորման չափը տարբեր է: Արթիկի տարածաշրջանի Նոր Կյանք գյուղում պետության և գյուղապետարանի 55:45 տոկոս հարաբերակցությամբ վերանորոգվում է Նոր Կյանք- Փանիկ-Սպանդարյան-Մեծ Մանթաշ ճանապարհի 2 կմ 100 մետր երկարությամբ հատվածը: Ճանապարհը մարզային նշանակության է, իսկ երթևեկությունն ավելի ծանրաբեռնված, քան հանրապետական ճանապարհներին է: Միջհամայնքային ճանապարհը հանրապետական նշանակության դարձնելու գյուղապետերի անպատասխան դիմումներից հետո Նոր Կյանքում որոշել են սուբվենցիոն հայտերում ներառել ու գոնե պետական համաֆինանսավորմամբ վերանորոգել:
Ավելին՝ shantnews.am
https://www.shantnews.am/news/view/421816.html