Րոպեներ անց կավարտվի Խորվաթիայի մայրաքաղաք Զագրեբում անցկացվող Grand Chess Tour-ի երկրորդ փուլի մրցաշարը: Մեր հայրենակից Լևոն Արոնյանը մրցաշարն ավարտեց առանց պարտության՝ գրանցելով 10 ոչ ոքի, 1 հաղթանակ՝ արդյունքում վաստակելով ընդհանուր 6 միավոր: Վերջին տուրում Արոնյանը սպիտակներով մրցեց ամերիկացի Ուեսլի Սոյի հետ։ 44-րդ քայլում գրանցվեց ոչ ոքի։ Սոն 7 միավորով գրավեց երկրորդ հորիզոնականը, Արոնյանն առայժմ երրորդ տեղում է։ Նրան հավասարվելու կամ շրջանցելու հնարավորություն ունի ամերիկացի Ֆաբիանո Կարուանան, որը դեռ չի ավարտել պարտիան ռուսաստանցի Սերգեյ Կարյակինի հետ։ Հաղթողի կոչումը նվաճեց աշխարհի չեմպիոն Մագնուս Կարլսենը։ Նորվեգացի գրոսմայստերտ վերջին տուրում սպիտակներով հաղթեց ֆրանսիացի Մաքսիմ Վաշյե-Լագրավին և վաստակեց 8 միավոր։
