Ռեժիսոր Հովհաննես Գալստյանը ֆեյսբուքյան իր էջում տեղեկացնում է.
Էրեբունի և Նուբարաշեն վարչական շրջանների ընդհանուր իրավասության դատարանը ՄԵՐԺԵԼ է «Տատիկիս վարսերը» ֆիլմի շուրջ ընթացող դատավարության կասեցման մասին ազգային կինոկենտրոնի միջնորդությունը։ Այսպիսով, կինոկենտրոնի կողմից «քրեական գործերի մասին» պնդումներով դատարանին մոլորեցնելու և դատավարությունը կասեցնելու փորձը տապալված է։
Սա շատ էական ՀԱՂԹԱՆԱԿ է «Տատիկիս վասերը» ֆիլմի իրավունքները վերականգնելու ճանապարհին։ Դատարանը, ըստ էության, անուղղակի կերպով հաստատել է, որ պետական հանձնաժողովի կողմից, «Թողություն» ֆիլմով պայմանավորված, «Տատիկիս վարսերը» ֆիլմի արտադրության կասեցումը օրինական չի կարող համարվել։
Հաջորդ դատական նիստը հոկտեմբերին է։ Այս ընթացքում իրավիճակը շեշտակի փոխվելու է, որովհետև մենք ավարտելու ենք «Թողություն» ֆիլմի արտադրությունը և այլ ելք, քան կինոկենտրոնին՝ «Տատիկիս վարսերը» ֆիլմի հանդեպ ստանձնած պարտավորությունների կատարումը պարտադրելը, ուղղակի չի մնալու։
***
Իմ ընկերության դեմ գարշելի մեթոդներով պայքարողները՝ Ղարիբյանի ու Միրզախանյանի հանձնաժողովներից մինչև Ամիրյան Արմեն, մեր դեմ ապատեղեկատվություն տարածողներն ու սոց ցանցերում ափռ-ցփռվողները, կարծում եմ, արդեն հասկանում են իրավիճակի ծանրությունը։ Կասկած չունենաք, հերթով դատարան եք հրավիրվելու կեղծ մատնության, զրպարտության, իմ ընկերության դեմ անօրինական որոշումների համար։
Պատրաստվեք ձեր կյանքի ամենադաժան աշնանը, որովհետև ես տրամադրված եմ փոխհատուցման գումարներով լցնել «Տատիկիս վարսերը» ֆիլմի գրեթե ողջ բյուջեն։
https://www.facebook.com/photo.php?fbid=10158718654969056&set=a.433284599055&type=3&theater
