Այսօր ՀՀ վարչապետ Նիկոլ Փաշինյանի հետ կառավարությունում կայացած համատեղ հայտարարությունների ժամանակ Եվրոպական խորհրդի նախագահ Դոնալդ Տուսկը իր խոսքում նշեց.
«ԵՄ-ն ոգևորված է վերջին մեկ տարվա ընթացքում մարդկանց խաղաղության նախապատրաստելու և հումանիտար հարցերի վրա շեշտը դնելու դինամիկայով և ձգտումով: Մենք նաև կիսում ենք ԵԱՀԿ Մինսկի խմբի համանախագահների անհանգստությունը՝ կապված շփման գծում վերջին զոհերի, ինչպես նա էսկալացիոն հռետորաբանության հետ: Երկու կողմերն էլ պետք է զսպվածություն ցուցաբերեն և միջոցներ ձեռնարկեն մթնոլորտի վերականգնմանը, որը կնպաստի խաղաղության ևիրական բանակցությունների»:
Տուսկն ընդգծեց նաև, որ հակամարտությունը ռազմական լուծում չունի. «Անհրաժեշտ է քաղաքական կարգավորում՝ համապատասխան միջազգային իրավունքին և սկզբունքներին: Եվրամիությունը շարունակում է ամբողջությամբ օժանդակել Մինսկի խմբի համանախագահների ջանքերը՝ գտնել արդար և տևական հանգուցալուծում՝ ելնելով Հելսինկիի եզրափակիչ ակտի հիմնարար սկզբունքներից: Եվրամիությունը սատարում է խաղաղության կառուցման գործողություններին եւ պատրաստ է սատարել ժողովուրդներին խաղաղության պատրաստող միջոցների»,- նշեց ԵԽ նախագահը:
