Ադրբեջանցիները պետք է հեռանան Սյունիքից իրենց զինվորներով և ցուցանակներով: Այս մասին այսօր՝ մարտի 31-ին, լրագրողների հետ հանդիպման ժամանակ ասաց ՀՀ ՄԻՊ Արման Թաթոյանը: Թաթոյանը նշեց, որ Սյունիքում ադրբեջանցիների հայտնվելը որևէ իրավական հիմք չունի:
«Այնտեղ նրանք հայտնվել են բռնության սպառնալիքի ներքո: Ադրբեջանցի զինվորները սպառնացել են մարդկանց, ասել՝ եթե չհեռանաք, դրոն կուղարկենք: Նրանց ներկայությունն այնտեղ անօրինական է և սպառնում է Հայաստանի բնակիչների իրավունքներին»,-ասաց Թաթոյանը՝ նշելով, որ այդ կապակցությամբ մարդու իրավունքների պաշտպանի գրասենյակն առաջ է քաշել անվտանգության գոտու գաղափարը:
«Ադրբեջանցիները պետք է հեռանան Սյունիքից՝ իրենց զինվորներով և ցուցանակներով: Արոտավայրերը և հողերը պետք է օգտագործվեն բնակիչների կողմից»,-հայտարարեց Թաթոյանը:
