Նովոսիբիրսկի «Մալդիվները» կամ ինստագրամի ամենաթրենդային location-ը

Սիբիրի փիրուզագույն լիճը, որտեղ երիտասարդները վերջերս ակտիվորեն նկարվում և այդ նկարները տեղադրում են իրենց ինստագրամյան էջերում, իրականում լիճ չէ, այլ էլեկտրակայանի պոչամբար: Լճակը առավել հայտնի է Նովոսիբիրսկի «Մալդիվներ» անունով, քանի որ նրա «արևադարձային» տեսքը այն դարձրել է իսկական դրախտավայր սելֆիասեր հասարակության համար: Սակայն լճի գայթակղիչ գույնը պայմանավորված է ոչ այնքան գայթակղիչ տարրերով, որոնք պարունակվում են ջրում՝ կալցիումի աղեր և այլ վտանգավոր և թունավոր մետաղական մնացորդներ գործարանից: Տեղի իշխանությունները այցելուներին բազմիցս հորդորել են չայցելել լիճ, առավել ևս չմտնել ջուրը, բայց այդ խիստ զգուշացումները մարդկանց կարծես ավելի վճռական են դարձրել: