Թիվ 1 Ստուդիա | «Ժառանգություն» կուսակցության նախագահ ՆԱՐԻՆԵ ԴԻԼԲԱՐՅԱՆ
Պատերազմի ցնցակաթվածը, չլուծված խնդիրներիը, սոցիալական, տնտեսական, և ամենակարևորը՝ պետական անորոշությունը մարդկանց ծվատում է։
Հայաստանի այն քաղաքացին, որը պահանջատեր է և հանձնառու է իր պետականության՝ հասկացել է, որ այլևս հանապազօրյա հաց և զգացմունքներ ընտրել չի կարելի։
Շատերս ասում էինք, որ մեզ վրա հարձակվեցին համախումբ, և ես համոզված եմ, որ այս պատերազմի արդյունքները կանխորոշված էին և մեծ վճիռ էր կայացվել տարածաշրջանային բոլոր խոշոր պետությունների կողմից՝ մի մասի լռելյայն համաձայնությանմբ, մյուս մասի գործունակությամբ։
Մեր տարածաշրջանում կա համաթուրքականության վտանգ և դա իրականություն է․ այն բոլոր առասպելները, որ մենք կարող ենք խաղաղ ապրել՝ դրանք պարզապես ծիծաղելի ճիգեր են․ դրանք ճիգեր են՝ ուղղված պետականությունը վերացնելուն, այսինքն՝ մեր տարածաշրջանում թուրքականության ամրակայման համար։
