Ապրիլի 12-ին, ժամը 22.30-ին, «Մերսեդես» մակնիշի ավտոմեքենայի վարորդը Արշակունյաց պողոտայում վրաերթի է ենթարկել ճանապարհը չթույլատրված հատվածով անցնող 27-ամյա Կամո Ամիրխանյանին, որը հիվանդանոց տեղափոխվելու ճանապարհին մահացել է:
Այս մասին հայտնում են ՀՀ ոստիկանության լրատվական ծառայությունից՝ նշելով, որ կատարվում է նախաքննություն:
Ավելի վաղ հայտնել էինք, որ վարորդը ծանրամարտի աշխարհի չեմպիոն, Օլիմպիական խաղերի փոխչեմպիոն Սիմոն Մարտիրոսյանն է, որը երեկ էր ծանրամարտի Հայաստանի հավաքականի հետ վերադարձել Երևան Մոսկվայում ավարտված Եվրոպայի առաջնությունից հետո:
