Գյուղական ամբուլատորիաները նույնպես շտապ օգնության մեքենաներ կունենան․ Ավանեսյան
Կառավարության տրամադրած ֆինանսական միջոցներով ձեռք ենք բերել շտապ օգնության մեքենաներ, Հայաստանին շտապ օգնության մեքենաներ են նվիրաբերվել նաև Սփյուռքի կողմից, որոնք մինչ օրս էլ դեռ ժամանում են, մեր պարկը բավականին համալրվել է: Այդ մասին ԱԺ-ում Կառավարության ծրագրի 2020 թվականի կատարողականի զեկույցի քննարկմանն ասաց առողջապահության նախարար Անահիտ Ավանեսյանը։
Նախարարը հայտնեց, որ ձեռք են բերվել նաև լրացուցիչ շտապօգնության մեքենաներ, քանի որ պատերազմի ընթացքում շտապ օգնության մեքենաները 24 ժամ ճանապարհներին էին և վնասվել էին:
Անդրադառնալով գյուղական ամբուլատորիաները շտապօգնության մեքենաներով ապահովելու անհրաժեշտությանը՝ նախարարը հայտնեց, որ Սյունիք կատարած այցի ընթացքում հարցը բարձրացվել է, և լուծում կտրվի:
«Պետք է շատ ուշադիր լինել, որովհետև տրամադրելով շտապօգնության մեքենա՝ պետք է նաև ճիշտ հաշվարկել դրա հետագա պահպանման ծախսերը, որպեսզի դա ոչ թե բեռ լինի տվյալ ամբուլատորիայի վրա, այլ ծառայի կոնկրետ նպատակին: Ես վստահեցնում եմ, որ հարցը մեր ուշադրության կենտրոնում է, և առաջիկայում խելամիտ որոշում կկայացնենք, թե որ տիպի մեքենաներն են առավել հարմար այս նպատակի համար»,- ասաց նախարարը՝ վստահեցնելով, որ գյուղական ամբուլատորիաներն անպայման շտապ օգնության մեքենաներ են ունենալու:
Recent Posts
ՀՀ-ն ակնկալում է ռազմավարական գործընկերության մակարդակի բարձրացնել Հունաստանի հետ հարաբերությունները
Հայաստանն ակնկալում է ռազմավարական գործընկերության մակարդակի բարձրացնել Հունաստանի հետ հարաբերությունները։ Ինչպես հաղորդում է «Արմենպրես»-ի թղթակիցը,…
Արմավիրի մարզում իրականացնում են խուզարկություններ
Արմավիրի մարզում խուզարկություններ են իրականացվում. Radar Armenia-ն տեղեկացավ Ներքին գործերի նախարարությունից։ «ՆԳՆ քրեական ոստիկանության ծառայողները…
Վերադառնում եմ խաղաղության ավելի մեծ վստահությամբ. Նիկոլ Փաշինյան
ՀՀ վարչապետ Նիկոլ Փաշինյանը Ֆեյսբուքի իր էջում գրառում է կատարել, որում հայտնել է, որ հայրենիք…
Էմանուել Մակրոնը կժամանի Հայաստան
Ֆրանսիայի նախագահ Էմանուել Մակրոնը մայիսի 4-ին կժամանի Հայաստան՝ մասնակցելու Երևանում կայանալիք Եվրոպական քաղաքական համայնքի 8-րդ…
Ընդդիմությունը մի գործ ունի անելու՝ իրար ոտքի տակ չքանդել․ Սերժ Սարգսյանը՝ նախընտրական շրջանի մասին
Ես չգիտեմ մնացածներն ինչով են զբաղված, բայց ընդդիմությունը մի գործ ունի անելու՝ իրար ոտքի տակ…
Հատուկ շնորհակալություն եմ հայտնում Բակո Սահակյանի որդուն՝ Տիգրանին. Բագրատ Սրբազան
«Ինձ ոչ մեկ ազատությունից ոչ զրկել է, ոչ էլ կարող է զրկել, քանի որ ոչ…