ՀՀ ԱԳՆ-ից տեղեկացնում են, որ Հունաստանում ուժեղ քամիների հետևանքով զոհերի և վիրավորների թվում ՀՀ քաղաքացիներ և ազգությամբ հայեր չկան: Հիշեցնենք, որ Հունաստանում 20 րոպե տևած փոթորիկի արդյունքում զոհվել է 6 մարդ: Նրանք ՌԴ-ի, Չեխիայի ու Ռումինիայի քաղաքացիներ են և զոհվել են տանիքից, տնակից ու ծառից ընկնելուց: Եվս 100 անձ բժշկական օգնության է դիմել:
Փոթորիկը տեղի է ունեցել զբոսաշրջային հանգստավայր համարվող Խալկիդիկի կղզում: Աղետը ծառեր ու մեքենաներ է շուռ տվել, տանիքներ պոկել:
Հունաստանի իշխանություններն արտակարգ դրություն են հայտարարել: Նման փոթորիկ Հունաստանի հյուսիսում երբևէ չի եղել:
05:49
Հունիս 25, 2026
