Աշխարհահռչակ հեռուստաաստղ Քիմ Քարդաշյանի քույրը՝ Քլոե Քարդաշյանը, «Ինստագրամի» իր էջի սթորի բաժնում անդրադարձել է ԱՄՆ նախագահ Ջո Բայդենի կողմից «ցեղասպանություն» եզրույթի կիրառմանը՝ հրապարակելով Բայդենի ուղերձն ամբողջությամբ և Հայաստան այցելելու ժամանակ Ծիծեռնակաբերդում արված լուսանկարներից մի քանիսը, որտեղ կա նաև Քիմը:
Քլոեն շնորհակալություն է հայտնել Բայդենին 1915 թվականին կատարվածը ցեղասպանություն անվանելու համար.
«1915թ․-ին ավելի քան 1,5 միլիոն հայեր սպանվեցին եւ խոշտանգվեցին։ Շնորհակալություն նախագահ Բայդենին 106 տարի առաջ տեղի ունեցած ցեղասպանության ճանաչման համար։ Շնորհակալություն, որ դուք հարգում եք հայ ժողովրդի պատմությունը, ցավը, տառապանքն ու կորուստները»,- գրել է հեռուստադեմքը և հավելել. «Այսօր մենք հարգում ենք մեր նախնիներին՝ հայերի հիշատակի օրը»:
