Աշխատանքային այցով Հայաստանում գտնվող Կենտրոնամերիկյան խորհրդարանի նախագահ Կարոլինա Ֆերնանդեսի գլխավորած պատվիրակությունն ԱԺ «Իմ քայլը» խմբակցության պատգամավոր Սարգիս Խանդանյանի ուղեկցությամբ ապրիլի 26-ին այցելել է Թումո ստեղծարար տեխնոլոգիաների կենտրոն:
Պատվիրակության անդամները շրջել են կենտրոնում, ծանոթացել կրթական և աշխատանքային ծրագրերին: Հայ երիտասարդ սերնդի կրթական այս օջախում կիրառվում են 21-րդ դարի նորարարական տեխնոլոգիաներ:
Հյուրերն ունկնդրել են Թումոյի ուսանողական երաժշտական խմբի՝ «Թմբաթա»-ի կատարումները, եղել նաև կենտրոնի կինոթատրոնում:
