Կրթություն

Մարզերում 15 նոր դպրոց և 10 նոր մանկապարտեզ կկառուցվեն. 2 մլրդ 942 մլն դրամի պետական հատկացում

Կառավարության՝ մայիսի 6-ին կայացած նիստի որոշմամբ՝ ՀՀ կրթության, գիտության, մշակույթի և սպորտի նախարարության 2021 թվականի բյուջեն ավելացվել է 2 մլրդ 942 մլն 825 հազար դրամով: ԿԳՄՍ նախարարի պաշտոնակատար Վահրամ Դումանյանի զեկուցմամբ` գումարը նախատեսվում է հատկացնել ՀՀ քաղաքաշինության կոմիտեին՝ ՀՀ մարզերում սովորողների փոքր համակազմ ունեցող 15 դպրոցի մոդուլային շենքերի կառուցումը շարունակելու, ինչպես նաև 10 մոդուլային մանկապարտեզների շինարարության համար: Մասնավորապես, Արմավիրի մարզի Արևիկ համայնքում 144 սանի համար նախատեսված մոդուլային մսուր-մանկապարտեզի կառուցման աշխատանքներն այս տարի կավարտվեն, իսկ 9 համայնքում նույն տիպի մանկապարտեզների կառուցման նպատակով նախագծանախահաշվային փաստաթղթերը կմշակվեն, կտրվի նաև շինարարական աշխատանքների մեկնարկը:

Մոդուլային դպրոցների մարզային բաշխվածությունը

  • Սյունիքիմարզ` 3 դպրոց. Հարժիսի Համլետ  Մինասյանի անվան միջնակարգ  դպրոց, Վաղատինի միջնակարգ դպրոց, Դարբասի միջնակարգ դպրոց,
  • Արագածոտնիմարզ` 2 դպրոց. Լուսակնի միջնակարգ դպրոց, Գառնահովիտի միջնակարգ դպրոց,
  • Գեղարքունիքիմարզ` 2 դպրոց. Լեռնահովիտ գյուղի Վ. Բարեղամյանի անվան հիմնական դպրոց, Շատջրեք գյուղի միջնակարգ դպրոց,
  • Լուռու մարզ` 2 դպրոց. Մեդովկայի միջնակարգ դպրոց, Հագվու հիմնական դպրոց,
  • Կոտայքիմարզ` 2 դպրոց. Ջրառատի միջնակարգ դպրոց, Կաթնաղբյուրի հիմնական դպրոց,
  • Արարատիմարզ` 1 դպրոց. Դեղձուտի միջնակարգ դպրոց,
  • Արմավիրիմարզ` 1 դպրոց. Արգինայի միջնակարգ դպրոց,
  • Վայոցձորիմարզ` 1 դպրոց. Եղեգիսի միջնակարգ դպրոց,
  • Շիրակիմարզ` 1 դպրոց. Բերդաշենի միջնակարգ դպրոց:

Նախագիծը ներկայացնելիս ԿԳՄՍ նախարարի պաշտոնակատար Վահրամ Դումանյանն ընդգծել է, որ կառուցվող բոլոր մոդուլային դպրոցներն ապահովված կլինեն ապաստարաններով:

«Ենթադրվում է, որ մոդուլային դպրոցները պետք է ծառայեն նաև որպես համայնքային զարգացման կենտրոններ` ստանձնելով մշակութային, սպորտային և ժամանցի կենտրոնի գործառույթներ»,- նշել է նա:

Մոդուլային մանկապարտեզների մարզային բաշխվածությունը

  • Արմավիրի մարզի Արևիկ համայնք. (Մոդուլային» տիպի 144 տեղ հզորությամբ մսուր-մանկապարտեզի շինարարությունը մինչև տարեվերջ ավարտին հասցնելու համար հատկացվել է 496 մլն 565 հազար դրամ),
  • Արագածոտնի մարզի Ալագյազ համայնք,
  • Արարատի մարզի Արալեզ համայնք,
  • Գեղարքունիքի մարզի Աստղաձոր համայնք,
  • Լոռու մարզի Սպիտակ համայնք,
  • Կոտայքի մարզի Հրազդան համայնք,
  • Շիրակի մարզի Արթիկ համայնք,
  • Սյունիքի մարզի Կապան համայնք,
  • Վայոց ձորի մարզի Եղեգիս համայնքի Շատին բնակավայր,
  • Տավուշի մարզի Բերդ համայնքի Արծվաբերդ բնակավայր:

Ըստ Կառավարության որոշման` մոդուլային մանկապարտեզների կառուցման նպատակով նախատեսվել է 1 մլրդ 396 մլն 565 հազար դրամ: Մանկապարտեզների կառուցումը նախադպրոցական կրթության համակարգում երեխաների ընդգրկվածությունը մեծացնելու՝ պետական ծրագրով նախատեսված միջոցառումներից է:

Մարզերում մոդուլային դպրոցների կառուցման ծրագրին կհատկացվի 1.5 մլրդ դրամ: Համայնքային բնակավայրերն ընտրվել են` հաշվի առնելով, որ դպրոցում սովորում է մինչև 100 աշակերտ, ունի սեյսմակայունության խնդիր, ուստի շենքի վերականգնումը տնտեսապես արդյունավետ չէ: Պարտադիր պայման է նաև, որ տվյալ դպրոցը բնակավայրում միակը լինի: 15 դպրոցի մոդուլային շենքերի կառուցումը մեկնարկել է 2020 թվականին, որը, սակայն, պատերազմական իրավիճակով պայմանավորված, անցյալ տարի ընդհատվել է: Այժմ ծրագիրը շարունակվում է:

ՀՀ վարչապետի պաշտոնակատար Նիկոլ Փաշինյանը նշել է, որ կրթության ոլորտի բարեփոխումները Կառավարության համար առաջնային նշանակություն ունեն, և այդ ուղղությամբ նախաձեռնվել են պետական մի շարք ծրագրեր` մանկապարտեզից մինչև գիտություն: Վարչապետի պաշտոնակատարը հանձնարարել է մշակել նախադպրոցական կրթության ոլորտի մանկավարժների մասնագիտական կատարելագործման նոր համակարգ, որպեսզի վերապատրաստումներն ու ատեստավորումները խթանեն մանկավարժների աշխատավարձի բարձրացումը:

Մարզպետներն էլ հանձնարարական են ստացել ՀՀ բոլոր բնակավայրերում մանկապարտեզներ հիմնելու վերաբերյալ:

Թիվ 1

Recent Posts

ԵՄ առաջնորդները Բրյուսելում արտակարգ ժողով են հրավիրել․ Թրամփին հակազդելու ծրագիր են մշակել

Եվրոպական առաջնորդները հավաքվել են Բրյուսելում՝ արտակարգ ընթրիքի՝ քննարկելու Միացյալ Նահանգների հետ արագ վատթարացող հարաբերությունները, որոնք…

43 minutes ago

ՀԱՄԱՍ-ը և Իսրայելը միմյանց մեղադրել են Գազայի հատվածում հրադադարի ռեժիմը խախտելու մեջ

Պաղեստինյան ՀԱՄԱՍ շարժումը հայտարարել է, որ Իսրայելը խախտել է հրադադարի ռեժիմը Գազայի հատվածի հարավում՝ Խան…

3 hours ago

Ինչու է ՌՈ ավտոմեքենան հերթապահում Սուրբ Աստվածածին եկեղեցու մոտ. ՊՆ–ի արձագանքը

Ռազմական ոստիկանությունը Երևանի Քանաքեռ–Զեյթուն վարչական շրջանում բնականոն ծառայություն է իրականացնում։ Sputnik Արմենիայի հետ զրույցում այս…

6 hours ago

Մշակույթի նախկին նախարարը դատապարտվել է 4 տարի 6 ամիս ժամկետով ազատազրկման, կիրառվել է համաներում

Գլխավոր դատախազությունը 2023 թվականի հոկտեմբերի 18-ին տեղեկացրել էր, որ 2012-2016 թվականներին ՀՀ մշակույթի նախարարի պաշտոնը…

7 hours ago

Պաշտպանությունն ու պահեստազորն առաջնահերթություն են․ Պապիկյան

Տարածքային պաշտպանության համակարգի կայացումն ու պահեստազորի պատրաստությունը պաշտպանական գերատեսչության ամենակարևոր նպատակներից մեկն է: Այս մասին…

8 hours ago

Իրանի ուղղությամբ ավելի մեծ նավատորմ է շարժվում, քան եղել է Վենեսուելայի ափերի մոտ. Թրամփ

ԱՄՆ նախագահը հերթական անգամ հայտարարել է, որ Իրանի ուղղությամբ մեծ նավատորմ է շարժվում՝ նույնիսկ ավելի…

9 hours ago