ՀՀ վարչապետի պաշտոնակատար Նիկոլ Փաշինյանն ԱԺ հատուկ նիստում անդրադարձավ ՀՀ-ում տեղի ունեցած խորքային և ինստիտուցիոնալ փոփոխություններին:
«Երբ 2018-ին ես ստանձնեցի վարչապետի պաշտոնը, Կառավարությունը բիզնեսին ունեցել է 274 մլրդ դրամի պարտք: Սա այն գումարն էր, որ ՀՀ օրենսդրությամբ բիզնեսը պետք է չվճարեր, այսինքն՝ այդ գումարը պետք է մնար բիզնեսի և տնտեսվարողի տրամադրության տակ, բայց դրանք ամենատարբեր ձևերով և եղանակներով հարկային մարմինների կողմից մուտքագրվել են միասնական գանձապետական հաշիվ կամ պետական հաշվեհամարներ:
Կարևոր եմ համարում արձանագրել, որ այս երեք տարվա ընթացքում այս պարտքի պրոբլեմն ըստ էության լուծվել է ոչ միայն դե ֆակտո վճարումների տեսքով, այլև ինստիտուցիոնալ առումով: 2021 թ. մայիսի 1-ի դրությամբ, ըստ էության, պետությունը բիզնեսին ժամկետանց պարտք չունի, այսինքն՝ այդ պարտքը, ըստ էության, զրոյացվել է: Սա նշանակում է, որ մենք շուրջ 500 մլն դոլար վերադարձրել ենք բիզնեսին»,- նշեց Փաշինյանը:
