Ռոբերտ Քոչարյանի պաշտպանը միջնորդեց դատական նիստը հետաձգել մինչև ընտրությունների ավարտ

Այսօր Երեւան քաղաքի ընդհանուր իրավասության դատարանում՝ դատավոր Աննա Դանիբեկյանի նախագահությամբ, սկսվեց Ռոբերտ Քոչարյանի և Արմեն Գևորգյանի գործով դատական նիստը:

Գործով ամբաստանյալ Ռոբերտ Քոչարյանի պաշտպան Արամ Վարդևանյանը հայտնեց, որ Ռոբերտ Քոչարյանը պատրաստվում է մասնակցել  2021 թվականի հունիսի 20-ին կայանալիք խորհրադարանական արտահերթ ընտրություններին․

«Դրա վերաբերյալ, հարգելի դատարան, կարող եմ ներկայացնել «Հայաստան» քաղաքական դաշտի ձևավորման համապատասխան փաստաթուղթը։ Կարծում եմ՝ ընտրություններին մասնակող անձինք բոլորը պետք է ունեն հավասար հնարավորություններ ընտրական գործընթացներին մասնակցելու համար։  Այս գործում փաստացի չկան տուժողներ։ Խնդրում եմ հետագա դատական նիստերը նշանակել ընտրություններից հետո։ Կամ կարող եք նշանակեք հունիսի 19-ին, լռության օրը»,-ասաց պաշտպանը։