ՀՀ կառավարությունը այսօրվա նիստում ընդունեց «ՀՀ կառավարության և Չինաստանի Ժողովրդական Հանրապետության կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձաբար վերացման մասին» համաձայնագիրը վավերացնելու մասին» նախագիծը:
ԱԳ նախարարի տեղակալ Արտակ Ապիտոնյանը իր խոսքում նշեց, որ Չինաստանի հետ ՀՀ միջպետական հարաբերությունները վերջին տարիներին վերելք են ապրել, գրանցվել է զարգացման դինամիկա ինչպես քաղաքական, այնպես էլ տնտեսական ոլորտներում։ Ապիտոնյանի խոսքով` Չինաստանն արդեն իսկ սկսել է վիզաների ազատականացման գործընթացը: Երկու երկրների միջև ազատականացման ամբողջ գործընթացը մեկ ամսից կավարտվի, իսկ ուժի մեջ կմտնի կողմերին այդ մասին տեղեկացնելու օրվանից:
Տեսանյութը՝ Factor tv.
