Ինչպես հաղորդում է բրիտանական BBC-ն, ԱՄՆ-ում բնակվող հայ զույգը՝ Անի և Աշոտ Մանուկյանները, դատի են տվել Լոս Անջելեսի պտղաբերության կլինիկային, երբ պարզել են, որ կլինիկայում իրենց արտամարմնային բեղմնավորված սաղմը տեղադրել են այլ կնոջ արգանդում։ Վերջինս զույգ երեխաներ է լույս աշխարհ բերել մարտին և միայն ԴՆԹ թեստերն են պարզել, որ երեխաները կապված չեն ոչ մոր, ոչ էլ միմյանց հետ։
Զույգը դատական գործընթացի արդյունքում այժմ ստացել է երեխաներից մեկի խնամակալությունը։ Անի Մանուկյանին արտամարմնային բեղմնավորում կատարել էին 2018թ․-ի օգոստոսին մեկ այլ սաղմով, որը անցել է անհաջող։
«Կլինիկան թալանել է ինձ, զրկել իմ սեփական երեխային կրելու հնարավորությունից»,-այսօր մամուլի ասուլիսին հայտարարել է Անի Մանուկյանը, նշել, որ այդ ամենն իմանալով հայտնվել է սթրեսային ու հոգեբանական ծանր վիճակում։
