Հայաստանում Անկախությունից ի վեր ոչ մի խաղաղ օր չի եղել. Նիկոլ Փաշինյան

«Եթե մեր քաղաքական գործունեությունն ու ճանապարհը հիմնված լիներ փողի վրա, բիզնեսի վրա, շահադիտական նպատակների վրա, վստահաբար այս փորձությունը չէր անցնի: Շատ մեծ փողեր են մարդիկ փորձել ծախսել, դնել, որպեսզի հետպատերազմական իրավիճակն օգտագործեն իրենց նեղ քաղաքական շահերի համար, բայց դա նրանց  մոտ չի ստացվի: Եվ սա արժեքների հաղթանական է ՀՀ-ում:

Մեր ռազմավարական նպատակը Հայաստանում խաղաղ զարգացման  դարաշրջան բացելն է, և սա մեզնից լուրջ ջանքեր է պահանջում հատկապես այս ժամանակահատվածում»:

Այս մասին ՔՊ-ի Շենգավիթի գրասենյակում համակիրնեի հետ ունեցած հանդիպման ժամանակ ասաց Նիկոլ Փաշինյանն ու մեկ անգամ ևս խոսեց հայ-ադրբեջանական սահմանի իրադրության, ԵԱՀԿ Մինսկի խմբի հայտարարության, և դրանից բխող սպասվելիք հետագա գործողությունների մասին:

«Ի միջիայլոց, այս թեմայով որ խոսում եմ, հետո ինձ վերագրվում են մտքեր, վերնագրեր, որոնք իրականության հետ որևէ կապ չունեն: Երեկ ես ասում եմ, սահմանը 21-րդ դարում նույնն է, ինչ միջնադարում պարիսպը: Եվ հետևաբար, եթե ունենանք պարիսպ, դա մեզ ազատում է յուրաքանչյուր սարի ու բլրի վր ազինվոր ունենալու անհրաժեշտությոնից, որովհետև դեմարկացված և դելիմիտացված սահմանները պահպանվում են նախ սահմանապահների կողմից, որոնք պարեկություն են անում: Հիմա ձեզ հայտնի շրջանակներն ասում են, որ ես կոչ եմ անում, որ մենք հրաժարվենք ռազմավարական բարձունքների և այլն: Ես համոզված եմ, որ մեր հանրությունը սովորել է լրատվական մանիպուլիացաներին»,-ասաց Փաշինյանը:

Ըստ նրա, սահմանազատման և սահմանագծման աշխատանքը հեշտ չէ: Հայաստանը Վրաստանի հետ արդեն 30 տարի սահմանազատման աշխատանք է իրականացնում: Մինչ օրս հաջողվել է համաձայնության գալ 60 տոկոսի հարցում, մնացած մասով աշխատանքները դեռ շարունակվում են:

«Առավելևս Ադրբեջանի պարագայում բարդություններ ու տարաձայնություններ էին ծագելու, բայց դա չի նշանակում, թե ասում ենք, հարցը չենք քննարկում: Էդ հարցը բոլորիս է պետք: Էդ պարիսպը ինչքան մեզ է պետք, էնքան իրենց է պետք, որովհետև էդ պարիսպը նշանակում է , որ անհրաժեշտությունն ամեն սարի գլխին զինվոր ունենալու, վերանում է: Բայց դա չի նշանակում, թե սարը մեզ պետք չէ, կամ սարից հրաժարվում ենք: Դա նշանակում է, որ մեր սարը պաշտպանված է պարսպով: Սրանից բխող բոլոր հետևանքներով»,-ասաց Նիկոլ Փաշինյանը:

Ըստ նրա, ՀՀ քաղաքացու մտավախություններն այսօր նույնն են, ինչ 10-15 տարի առաջ են եղել: Հայաստանում Անկախությոինից ի վեր ոչ մի խաղաղ օր չի եղել:  Խաղաղությունն այն է, երբ հակամարտությունը լուծված, կարգավորված, միջազգային իրավունքով ֆիքսված է, իսկ մենք անընդհատ զոհեր ենք ունեցել սահմանում ու ամենատերբեր լարվածություններ»: