Եկեք դա չանվանենք պետության վերաբերմունք, չի կարելի նման բան ասել: Այս մասին այսօր ԱԺ-ում լրագրողների հետ ճեպազրույցում ասաց ՀՀ փոխվարչապետի պաշտոնակատար Մհեր Գրիգորյանը` անդրադառնալով դիերի և մասունքների ոչ պատշաճ պահմանը:
Գրիգորյանից լրագրողները հետաքրքրվեցին, թե ինչո՞ւ է պետությունը նման վերաբերմունք ցուցաբերում:
«Ես ընդունում եմ, դա անթույլատրելի է, բայց եկեք հնարավորություն տանք, թող լիազոր մարմինները մանրամասն ճշտեն՝ պատճառները, հանգամանքները եւ ես վստահ եմ, որ բաց բացատրություն կլինի այդ հարցի հետ կապված»,- ասաց նա:
Հարցին՝ ինչո՞ւ մինչեւ հիմա այդ աշխատանքները նորմալ չեն իրականացվել, փոխվարչապետի պաշտոնակատարը պատասխանեց.
«Երբ լինեն բացատրություններ՝ կլինեն նաեւ գնահատականներ, թե այդ աշխատանքներն ինչպես են կազմակերպվել: Բայց հարցը զգայուն է, եկեք այս պահին ավել բան չասեմ ես»:
