Դժվար պայմաններում ու կարևորագույն դիրքում պահել եմ իմ սկզբունքները. Բեգլարյան

Արցախի Հանրապետության նախագահ Արայիկ Հարությունյանի հրամանագրով  պետական նախարարի պաշտոնում նշանակվել է Արցախի նախկին ՄԻՊ, նախագահի աշխատակազմի ղեկավար Արտակ Բեգլարյանը՝ ազատվելով նշված պաշտոնից:

Ֆեյսբուքյան իր էջում Բեգլարյանը գրել է նոր նշանակման ու անելիքների, ինչպես նաև աշխատակազմի ղեկավարի պաշտոնում իր կատարած աշխատանքի մասին: Գրառումը ներկայացնում ենք ստորև.

Ինչպես արդեն հրապարակվել է, ԱՀ նախագահ Արայիկ Հարությունյանի հրամանագրով նշանակվել եմ պետական նախարար՝ ազատվելով Նախագահի աշխատակազմի ղեկավարի պաշտոնից: Նոր կարգավիճակում համակարգելու եմ չորս նախարարների գործունեություն՝ աշխատանքի, սոցիալական և միգրացիայի հարցերի նախարար, առողջապահության նախարար, արդարադատության նախարար, կրթության, գիտության, մշակույթի և սպորտի նախարար։ Բացի դրանից, պետական նախարարի կառավարման ոլորտում է գտնվում բնապահպանության կոմիտեն: