«Վերջին զանգի» միջոցառումներով պայմանավորված՝ ճանապարհային ոստիկանությունն այսօր իրականացնում է ուժեղացված ծառայություն։
ՀՀ ոստիկանությունից հայտնում են, որ ժամը 10.00-ի դրությամբ ճանապարհային ոստիկանության պահպանվող հատուկ տարածք է տեղափոխվել 8 տրանսպորտային միջոց, որոնցից 4-ի ղեկին եղել են անչափահասներ։
Եվս մեկ անգամ ոստիկանությունը հորդորում է ձեռնպահ մնալ անչափահասներին մեքենա տրամադրելուց, կոչ անում պահպանել ճանապարհային երթևեկության կանոնները։
