ՀՀ ԱԺ նախագահ Արարատ Միրզոյանն ընդունել է Իտալիայի Սենատի փոխնախագահ Պաոլա Տավերնային։
«Գործընկերս հույս հայտնեց, որ քաղաքացիները կկատարեն իրենց ընտրությունը, ինչի արդյունքում երկրում կայունության նոր փուլ կսկսվի։
Քննարկել ենք Լեռնային Ղարաբաղի շուրջ ստեղծված իրավիճակը, հայ ռազմագերիների և այլ պահվող անձանց վերադարձի կարևորությունը և դրանում միջազգային գործընկերների մասնակցությունը, Ադրբեջանի կողմից Հայաստանի Հանրապետության տարածքի նկատմամբ իրականացված ոտնձգությունը, խաղաղ բանակցությունների վերսկսումը՝ ԵԱՀԿ Մինսկի խմբի համանախագահության հովանու ներքո»,- Ֆեյսբուքի իր էջում գրել է Արարատ Միրզոյանը։
