ՀՀ բնապահպանության և ընդերքի տեսչական մարմինը 2021 թվականի մայիսի 31-ից հունիսի 11-ն ընկած ժամանակահատվածում կատարված աշխատանքների վերաբերյալ հաշվետվություն է տարածել:
Բնապահպանության և ընդերքի տեսչական մարմնի կողմից իրականացված վերահսկողության ընթացքում արձանագրվել է 67 դեպք, որից 50 դեպքով հաշվարկվել է 42.996.652 դրամի չափով շրջակա միջավայրին հասցված վնաս, 9 դեպքով նշանակվել 480.000 դրամի չափով վարչական տուգանք։
Նախկինում արձանագրված 50 դեպքով հաշվարկվել է շրջակա միջավայրին հասցված՝ 2.139.000 ՀՀ դրամի չափով վնաս, նշանակվել 3.250.000 դրամի չափով վարչական տուգանք։
Մասնավորապես, բուսական աշխարհի պահպանության ոլորտում արձանագրվել է 50 դեպք, որից 47-ով հաշվարկվել է 42.832.212 դրամի չափով շրջակա միջավայրին հասցված վնաս։
Նախկինում արձանագրված 11 դեպքով հաշվարկվել է 2.139.000 դրամի չափով շրջակա միջավայրին հասցված վնաս, նշանակվել 1.200.000 դրամի չափով վարչական տուգանք։
Կենդանական աշխարհի պահպանության ոլորտում արձանագրվել է 8 դեպք, որից 2-ով հաշվարկվել է 117.400 դրամի չափով շրջակա միջավայրին հասցված վնաս, 6-ով նշանակվել 300.000 դրամի չափով վարչական տուգանք:
Մթնոլորտային օդի և ջրերի պահպանության, թափոնների տեղաբաշխման, հողերի օգտագործման և պահպանման ոլորտում արձանագրվել է 7 դեպք, որից 1-ով հաշվարկվել է 47.040 դրամի չափով շրջակա միջավայրին հասցված վնաս, 1-ով նշանակվել 80.000 դրամի չափով վարչական տուգանք։
Նախկինում արձանագրված 5 դեպքով նշանակվել է 250.000 դրամի չափով վարչական տուգանք։
Հաշվետվությունների սահմանված ժամկետում չներկայացնելու 2 արձանագրված դեպքով նշանակվել է 100.000 դրամի չափով վարչական տուգանք։
Նախկինում արձանագրված 34 դեպքով նշանակվել է 1.800.000 դրամի չափով վարչական տուգանք։
ՀՀ ԱՆ ՀԿԱԾ է ուղարկվել 10 գործ (ընդհանուր՝ 1.083.250 ՀՀ դրամ)։
Նշված ժամանակահատվածում պետական բյուջե մուտքագրվել է 2.124.039 ՀՀ դրամ:
