ԱԺ-ն 72 կողմ, 4 դեմ, 2 ձեռնպահ ձայներով հաստատեց 2020 թվականի պետական բյուջեի կատարման տարեկան հաշվետվությունը:
Հիշեցնենք՝ 2020 թ. փաստացի արձանագրվել է 1 տրլն 561 մլրդ դրամ եկամուտ, 1 տրլն 895 մլրդ դրամ ծախս և 334 մլրդ դրամ դեֆիցիտ:
Պետական պարտքը կազմել է շուրջ 7 մլրդ 969 մլն դոլար, որի շրջանակում Կառավարության պարտքը եղել է 7 մլրդ 509 մլն դոլար:
Երեկ ՀՀ ֆինանսների նախարարի պաշտոնակատար Ատոմ Ջանջուղազյանը, ներկայացնելով 2020 թվականի պետական բյուջեի կատարման տարեկան հաշվետվությունը, ասել էր, որ 2020 թվականին Կառավարության ծրագրային առաջնահերթություններին ավելացել էր նաև համավարակի և պատերազմի սոցիալ-տնտեսական հետևանքների հաղթահարման անհրաժեշտությունը: Ըստ այդմ՝ անխուսափելիորեն պետք է տեղի ունենար առաջնահերթությունների վերանայում:
