ՄԱԿ-ի Համաշխարհային օդերևութաբանական կազմակերպությունը Անտարկտիդայում ջերմային ալիքի նոր ռեկորդ է արձանագրել: Ըստ AFP-ի՝ մայրցամաքում գրանցվել է 18.3 աստիճան տաքություն:
Նշվում է, որ ջերմաստիճանի այս ցուցանիշը գրանցվել է Անտարկտիկական թերակղզու վրա գտնվող Արգենտինական Esperanza հետազոտական կայանում 2020 թվականի փետրվարի 6-ին:
Համեմատության համար նշենք, որ այնտեղ նախորդ ռեկորդը 17.5°C է եղել: Այն գրանցվել է նաև Esperanza-ում, բայց դեռ 2015-ին։
Հայտնի է, որ Անտարկտիկայի թերակղզին դարձել է վերջին 50 տարվա ընթացքում ամենաարագ տաքացող տարածաշրջանը. ջերմաստիճանային միջին մակարդակը բարձրացել է գրեթե 3°C-ով:
