Արմեն Չարչյանն այլևս «Իզմիրլյան» ԲԿ-ի տնօրենը չէ. Արամ Վարդևանյան

Այսօր Վերաքննիչ դատարանում սկսվել է «Իզմիրլյան» ԲԿ-ի տնօրեն, «Հայաստան» դաշինքի թեկնածու Արմեն Չարչյանին կալանավորելու որոշման դեմ բերված բողոքի քննությունը:

Նիստից առաջ լրագրողների հետ զրույցում պաշտպան Արամ Վարդևանյանն անդրադառնալով Չարչյանի առողջական վիճակին, ասաց, որ նա դեռ գտնվում է հիվանդանոցում: 

«Սրտի վերաբերյալ բժշկական միջամտություն է եղել: Հուսով ենք դրական դինամիկա կլինի: Նույնիսկ, եթե դատարանը որոշի վերացնել կալանավորումը, պրոֆեսոր Չարչյանն այս պահին չի կարող դուրս գրվել հիվանդանոցից»,-եզրափակեց պաշտպանը: 

Նա նաև հիշեցրեց, որ ԱԺ 7 պատգամավորներ ու Հայաստանում հեղինակություն վայելող 3 բժիշկներ դիմել էին դատախազություն՝ Արմեն Չարչյանի նկատմամբ կիրառված կալանավորումը անձնական երաշխավորություն խափանման միջոցով փոխարինելու միջնորդությամբ: «Իրենցից յուրաքանչյուրը պատրաստ էր 500 հազար դրամ գումար վճարել, բայց դա բավարար չէր: Դա նշանակում է, որ ուղղակի պետք է, որ պրոֆեսոր Չարչյանն ազատության մեջ լինի: Կներեք, բայց դա իրավաբանություն չէ»: 

Արամ Վարդևանյանը տեղեկացրեց՝ դատավոր Արմինե Մելիսեթյանը բավարարելով կալանքի միջնորդությունը, հիմք էր ընդունել այն հանգամանքը, որ Չարչյանը «Իզմիրլյան» ԲԿ–ի տնօրենն է, փաստացի հնարավոր վկաների վերադասը: «Երեկ «Իզմիրլյան» ԲԿ-ն հայտարարություն տարածեց, ես նաև իրավաբանական անձանց ռեգիստրից վերցրեցի քաղվածք, համաձայն որի` 30.06.2021թ-ից Արմեն Չարչյանը «Իզմիրլյան ԲԿ տնօրենը չէ: Երկու հիմքն էլ արդեն չկա, բայց Արմեն Չարչյանը դեռ կալանավորված է»,- ասաց Վարդևանյանը:
Այսօր ավելի վաղ Չարչյանի մյուս պաշտպան Էրիկ Ալեքսանյանը ֆեյսբուքյան իր էջում հայտնել էր, որ այսօր այս գործով նախաքննության ավարտ է հայտարարվելու:

Նա նաև հիշեցրեց, որ ԱԺ 7 պատգամավորներ ու Հայաստանում հեղինակություն վայելող 3 բժիշկներ դիմել էին դատախազություն՝ Արմեն Չարչյանի նկատմամբ կիրառված կալանավորումը անձնական երաշխավորություն խափանման միջոցով փոխարինելու միջնորդությամբ: «Իրենցից յուրաքանչյուրը պատրաստ էր 500 հազար դրամ գումար վճարել, բայց դա բավարար չէր: Դա նշանակում է, որ ուղղակի պետք է, որ պրոֆեսոր Չարչյանն ազատության մեջ լինի: Կներեք, բայց դա իրավաբանություն չէ»: 

Արամ Վարդևանյանը տեղեկացրեց՝ դատավոր Արմինե Մելիսեթյանը բավարարելով կալանքի միջնորդությունը, հիմք էր ընդունել այն հանգամանքը, որ Չարչյանը «Իզմիրլյան» ԲԿ–ի տնօրենն է, փաստացի հնարավոր վկաների վերադասը: «Երեկ «Իզմիրլյան» ԲԿ-ն հայտարարություն տարածեց, ես նաև իրավաբանական անձանց ռեգիստրից վերցրեցի քաղվածք, համաձայն որի` 30.06.2021թ-ից Արմեն Չարչյանը «Իզմիրլյան ԲԿ տնօրենը չէ: Երկու հիմքն էլ արդեն չկա, բայց Արմեն Չարչյանը դեռ կալանավորված է»,- ասաց Վարդևանյանը:
Այսօր ավելի վաղ Չարչյանի մյուս պաշտպան Էրիկ Ալեքսանյանը ֆեյսբուքյան իր էջում հայտնել էր, որ այսօր այս գործով նախաքննության ավարտ է հայտարարվելու: