Աջափնյակ վարչական շրջանի Լուկաշինի 1-ին փողոցում, ինչպես նաև Զոհրապի փողոցներում, իրենց նրբանցքներով, նախատեսվում է վերակառուցել շուրջ 5000 մետր ընդհանուր երկարությամբ ջրագիծ: Ծրագրի ավարտին 422 բաժանորդ կապահովվի կանոնավոր ջրամատակարարմամբ:
Այս մասին տեղեկացնում է «Վեոլիա ջուր» ընկերությունը:
«Դեռևս գործող խողովակաշարերը տեղադրվել են 60-70 տարի առաջ, քայքայված են ու վթարված, առկա են բազմաթիվ ապօրինի միացություններ՝ զգալի հոսակորստով, ինչը բացասաբար է անդրադառնում սպասարկման վրա»,-ասված է ընկերության ֆեյսբուքյան գրառման մեջ:
