Նարեկ Այվազյանը ֆեյսբուքյան իր էջում գրել է․
Մենք, որպես ժողովուրդ՝ քաղաքացիներ, պարտավոր ենք.
Սատարել մեր պետական գերատեսչություններին՝ ապահովելու ՀՀ սահմանների ամբողջականությունը ցանկացած ու բոլոր մեթոդներով։
Օգնելու պետությանը՝ ներգրավելու դաշնակիցների, որպեսզի սկսվի Արցախում վերաբնակեցում, ինքնապաշտպանական համակարգի ձևավում և գերեվարված բոլոր անձանց վերադարձ:
Օժանդակել Արցախին՝ պատժելու բոլոր ռազմական հանցագործներին, որոնք, ըստ Արցախի ժողովրդի և շատ կամավորների ու զինվորականների, աշխատում են պետական համակարգում և, կամ կրում են բարձրաստիճան սպայի ուսադիրներ:
Աշխատակցել Հայաստանին էլ իր հերթին, որպեսզի իրականացնի նույնը այստեղ, որպեսզի արդարադատությունը հաստատվի ու ռազմական հանցագործներն ու մեղավորները կրեն իրենց պատիժը։ Անվտանգությունն ու պաշտպանությունը պետք է մաքրվի գործակալներից։
Նպաստել, որ պետությունները վերադարձնեն Արցախի գաղթյալներին Արցախ՝ ապահովելով նրանց բնակարանով ու աշխատանքով: Առանց հայերի Արցախը հայկական չի կարող լինել։
Թշնամիների նպատակը հայաթափելն է, իսկ մեր նպատակը՝ ամեն գնով բնակեցնելն ու վերաբնակեցնելը, ինչպես նաև ծնելիությունը մաքսիմում խրախուսելը։
Արցախի Հանրապետության միջազգային ճանաչումը՝ NKRecognition պետք է դառնա Հայաստանի Հանրապետության և աշխարհի բոլոր հայերի թիվ մեկ օրակարգը: Սա այն ընդունելի ճանապարհն է, որի հետևանքով Արցախը կմիանա մայր Հայաստանին։
Փա՛ռք Հայաստանին
Հերոսներին փա՛ռք
