Քաղավիացիայի կոմիտեի նախագահ Տաթևիկ Ռևազյանն այսօր իր պաշտոնավարման մեկ տարին ամփոփող ասուլիսի ընթացքում տեղեկացրեց, որ պատրաստվում են օրենսդրական նախաձեռնությամբ հանդես գալ, որպեսզի այսպես ասած՝ օդի փողը հանվի ՀՀ ավիաշուկա նոր մուտք գործող ավիաընկերությունների համար: «Օդի փողը ամենամեծ խոչընդոտն է, 10 հազար դրամը փոքր գումար չէ»,- նշեց Ռևազյանը: -Ավիաընկերությունները մեզ ասել են՝ եթե օրենքը ընդունեք, օդի փողը հանեք և միաժամանակ Զվարթնոցն էլ իր սակագներն իջեցնի, իրենք 2020-ի գարնանը մուտք կգործեն Հայաստանի շուկա: Դրանք «Ռայնէյր» (Ryanair) եւ «Վիզէյլր» (Wizz Air) լոուքոսթ ավիաընկերություններ են: «Վիզէյլր»-ը Վրաստանում է թռնում, հայերը հիմնականում հենց «Վիզէյլր»-ի համար են գնում Վրաստան»,-ասաց քաղավիացիայի կոմիտեի նախագահը:
Տեսանյութը՝ Ազատություն:
12:40
Հունիս 25, 2026
