Քիչ առաջ Փարաքար-Զվարթնոց ավտոճանապարհին վթար է տեղի ունեցել. կողաշրջվել է պարեկային ծառայության մեքենան։ Նախնական տվյալներով` կա 3 զոհ։
Այսօր՝ հուլիսի 14-ին, ողբերգական ավտովթար է տեղի ունեցել Արմավիրի մարզում: Ժամը 21:00-ի սահմաններում Երևան-Արմավիր ավտոճանապարհի Պտղունք գյուղի վարչական տարածքում դեռևս անհայտ հանգամանքներում բախվել են Samand և Toyota Vitz մակնիշի ավտոմեքենաները:
Ինչպես հայտնում է shamshyan.com-ը, վթարի հետևանքով 3 հոգի տեղում մահացել են: Փաստի առթիվ Վաղարշապատի քննչական բաժնում ՀՀ քր․ օր․-ի 242 հոդվածի 3-րդ մասի (ճանապարհատրանսպորտային պատահար, որն անզգուշությամբ առաջացրել է 2 և ավելի մարդու մահ) հատկանիշներով:
Ոստիկանությունն ու քննչական բաժինը պարզում են վարորդների և մահացածների ինքնությունը: Աղբյուրի տեղեկություներով՝ Samand մակնիշի ավտոմեքենան հաշվառված է ՀՀ ոստիկանության պետական պահպանության գլխավոր վարչության հաշվեկշռում և, ըստ նախնական տեղեկությունների, մահացածներից 2-ը ոստիկանության ծառայողներ են, մեկը՝ քաղաքացիական անձ:
Մահացածներից 2-ը հայտնաբերվել են դրսում, մեկն էլ՝ ավտոմեքենայի մեջ:
Տեսանյութը՝ այստեղ։
Լուսանկարը՝ MediaHub.am-ի
