«Հայաստան» դաշինքի անդամ Գեղամ Մանուկյանը հայտնել է, որ դաշինքը պատգամավորական մանդատները կվերցնի:
«Մեկ-երկու օր հետո հստակ կլինի թե ովքե՞ր են վերցնելու իրենց մանդատները և ովքեր են հրաժարվելու մանդատներից, բայց դաշինքի կողմից որոշում կա, որ մանդատները պետք է վերցնենք»,-ասել է նա:
Հուլիսի 19-ին ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը հայտարարել էր, որ դիմել է Կենտրոնական ընտրական հանձնաժողով և հրաժարվել մանդատից, քանի որ իրեն տեսնում է գործադիրում:
«Հայաստան» դաշինքը 8-րդ գումարման Ազգային ժողովում կունենա 29 մանդատ:
