Ընդդիմադիր «Պատիվ ունեմ» դաշինքը ևս որոշել է վերցնել պատգամավորական մանդատները։ Այս մասին «Ազատության»-ը փոխանցել է դաշինքի ներկայացուցիչ Սոս Հակոբյանը։
Ավելի վաղ «Հայաստան» դաշինքն էր հայտարարել մանդատներից չհրաժարվելու որոշման մասին։ Ի տարբերություն «Հայաստան» դաշինքի առաջին համար Ռոբերտ Քոչարյանի, «Պատիվ ունեմ»-ի վարչապետի թեկնածու Արթուր Վանեցյանը, գոնե այս պահին, հակված է դառնալ պատգամավոր։
«Այս պահի դրությամբ ինքնաբացարկի որևէ դիմում չկա։ Առաջին 7 համարը սպասվում է, որ պետք է ներկայացված լինի խորհրդարանում, ի դեպ, մինչև ժամը 18-ը դեռ ժամանակ կա, բայց, ամեն դեպքում, ինքնաբացարկի դիմումներ չեն սպասվում։ Մենք չունենք տեղեկություն որևէ մեկի ցանկության մասին ինքնաբացարկի դիմում ներկայացնելու։ Այսինքն՝ սպասվում է, որ այո՛, առաջինից 7-ը կլինեն», – ասաց «Պատիվ ունեմ» դաշինքի ներկայացուցիչը։
