Վարչապետի պաշտոնակատար Նիկոլ Փաշինյանը այսօր կառավարության նիստի ժամանակ անդրադարձել է Սահմանադրական դատարանի՝ խորհրդարանական ընտրությունների արդյունքները անփոփոխ թողնելու վերաբերյալ ԿԸՀ որոշումնը։
Նիկոլ Փաշինյանը նշել է, որ արտահերթ ընտրությունները Հայաստանում անցել են ժողովրդավարության չափանիշներին համապատասխան ու ընտրությունների վերջնական արդյունքները արտահայտում են հայ ժողովրդի կամքը:
«Այսպիսով՝ 8-րդ գումարման Ազգային ժողովը կազմված կլինի 107 պատգամավորից ու «Քաղաքացիական պայմանագիր» կուսակցությունը կունենա 71 մանդատ, «Հայաստան» դաշինքը՝ 29 մանդատ, «Պատիվ ունեմ» դաշինքը՝ 7 մանդատ», – ասաել է նա:
Փաշինյանը շնորհավորել է բոլորին խորհրդարան ճգնաժամային պայմաններում ազատ ու մրցակցային խորհրդարանական ընտրությունների անցկացման կապակցությամբ:
«Շնորհավորում եմ «Հայաստան» ու «Պատիվ ունեմ» դաշինքներին ԱԺ անցնելու առիթով, ուզում եմ ընդգծել, որ Հայաստանի պատմության մեջ առաջին անգամ ընտրությունները դարձել են ներքաղաքական ճգնաժամի հաղթահարման միջոց, մինչդեռ, նախկինում մենք սովոր ենք եղել ընտրությունների արդյունքներով քաղաքական ճգնաժամեր ունենալու պրակտիկային», – ասաել է վարչապետի պաշտոնակատարը:
