Առաջին ալիքը շարունակում է բարելավել եթերային վարկանիշը: Հեռուստատեսության և ռադիոյի հանձնաժողովն այսօր ամփոփել է այս տարվա երկրորդ եռամսյակի հեռուստատեսային դիտումները. Հանրայինը մի շարք անվանակարգերում առաջընթաց է գրանցել:
Թոք շոուների, քաղաքական, սոցիալական հաղորդումների շարքում ամենադիտված 10 հաղորդումներից 7-ը Հանրային հեռուստաընկերության արտադրանքն են:
«Պաշտոնական լրահոս» անվանակարգում լավագույն 10 հորիզոնականներից 10-ն էլ Առաջին ալիքինն են:
«Սպորտ» անվանակարգում առաջին հորիզանականն է զբաղեցնում Հանրային հեռուստաընկերությամբ հեռարձակված «2021թ. Ծանրամարտի Եվրոպայի առաջնությունը»:
Լրատվական ծրագրերի շարքում երկրորդ հորիզանականն է զբաղեցնում Առաջին ալիքի «Լուրերը»:
Խոհանոցային շոուների 3-րդ և 4-րդ հորիզոնականներում Հանրային հեռուստաընկերության հաղորդաշարերն են:
Վավերագրական ամենադիտված 10 ֆիլմերից 5-ը Հանրային հեռուստաընկերության հեռարձակած ֆիլմերն են:
