Չարենցավանի թիվ 6 հիմնական դպրոցում բացվել է հատուկ խնամք պահանջող երեխաների համար նախատեսված դասասենյակ։ Այստեղ մասնագետները երեխաների հետ աշխատում են ՝ նրանց հասարակությանը լիարժեք ինտեգրելու համար:
Գաղափարի հեղինակը ամերիկաբնակ, ծնունդով Չարենցավանից Մանե Խալաֆյանն է, որի ընկերուհին նման խնդիր ունի։ Մանեն, տեսնելով, թե ինչպիսի պայմաններում են երեխաները ԱՄՆ-ում անցկացնում դասերը, որոշեց հայրենի Չարենցավանում նման կենտրոն բացել: Ծրագիրը իրականացվեց Համլետ Խալաֆյանի շնորհիվ։
Այս դպրոցում դեռ 2014թ. կրթության առանձնահատուկ պայմանների կարիք ունեցող չորս երեխա էր սովորում, այս ուսումնական տարում նրանք արդեն 45-ն են: Երեխաները դասերից հետո մոտ մեկուկես ժամ պարապմունքներ են անցկացնում արդեն առավել հարմարավետ և ուսուցողական նյութերով հագեցած սենյակում:
