ՀԱՊԿ գլխավոր քարտուղար Ստանիսլավ Զասը մտահոգություն է հայտնել Հայաստանի ու Ադրբեջանի սահմանին հուլիսի 28-ին տեղի ունեցած ռազմական բախումների պատճառով իրավիճակի սրման վերաբերյալ:
Այս մասին նշված է ՀԱՊԿ պաշտոնական կայքում:
«Լուրջ մտահոգություն է առաջացնում տարածաշրջանում լարվածության սրացման հեռանկարը, ինչը կարող է բացասաբար անդրադառնալ 2020-ի նոյեմբերի 10-ին Հայաստանի, Ադրբեջանի ու Ռուսաստանի ղեկավարների միջև եռակողմ ձևաչափով հայտարարության դրույթների կատարման վրա»,- նշվում է հաղորդագրության մեջ:
Ըստ Զասի՝ ուժի կիրառումն անընդունելի է:
«Ողջունում եմ տարածաշրջանի իրավիճակի կայունացմանն ուղղված Ռուսաստանի Դաշնության ջանքերը»,- նշել է Ստանիսլավ Զասը:
